Thursday, June 28, 2018

ට්‍රම්ප් සහ පුටින් හමුවකට සූදානම් වෙයි



 ඩොනල්ඩ් ට්‍රම්ප් සහ ව්ලදිමීර් පූතින් ෆින්ලන්තයේදී මුණගැසීමට සූදානම්


එක්සත් ජනපදයේ ජනාධිපති ඩොනල්ඩ් ට්‍රම්ප් මහතා සහ රුසියාවේ ජනාධිපති ව්ලදිමීර් පූතින් මහතා, ලබන මාසයේ (ජූලි මස 16 දින) ෆින්ලන්තයේ හෙල්සින්කි අගනුවරදී මුණගැසී සාකච්ඡා කිරීමට නියමිතයි.


සිරියාවේ යුද්ධය සහ යුක්රේනයේ තත්වය පිළිබඳ සිය රුසියානු මිතුරා සමඟ සාකච්ඡා කිරීමට බලාපොරොත්තු වන බව හමුව පිළිබඳ අදහස් දක්වමින් ඩොනල්ඩ් ට්‍රම්ප් පැවසා තිබෙනවා.


රටවල් දෙකෙහි නායකයින් එකතු වී ඔවුන්ගේ පොදු ගැටලු සහ සහයෝගිතාව පිළිබඳ සාකච්ඡා කිරීම වැදගත් වන බව ජනාධිපති ට්‍රම්ප් මෙන්ම ජනාධිපති පූතින්ගේත් අදහස බව අමරිකානු ආරක්ෂක උපදේශක ජෝන් බෝල්ටන් පවසා තිබෙනවා.

No comments:

Post a Comment

Blog Archive